Slakar 75 milliónir til nýggjar motorar

Teir fýra nýggju høvuðsmotorarnir til Smyril fara at kosta 74,4 mió. kr., helvt um helvt til keyp og íseting.

Jacob Vestergaard, landsstýrismaður, hevur biðið løgtingið um í mesta lagi 74,4 mió. kr. til høvuðsmotorarnar hjá Smyrli.

Motorarnir skulu setast í í 2028, men teir mugu bíleggjast nú, sigur Vinnumálaráðið.

Smyril leggur at og fer frá landi 3.700 ferðir um árið. 

Skipið siglir í miðal ellivu og hálvan tíma um dagin.