Vegurin ikki raðfestur

Ein umkoyringarvegur undir Kjølinum í Klaksvík kostar minst 105 mió. kr.

Men eingir pengar eru játtaðir. Landið hevur ikki raðfest umkoyringarvegin.

Vegurin er ikki í uppskotinum um fíggjarlóg fyri 2027.

Í 2008 vóru brúktar 85.000 kr, til at tekna vegin. Vegurin verður 2,8 kilometrar.

Tað sigur Jacob Vestergaard, landsstýrismaður, í svari til Hermann Ronnason Samuelsen, løgtingmann.

Umkoyringarvegurin skal tálma ferðslutrýstinum í Klaksvík, nú bergholini eru komin norður um Fjall.

Ikki sleptur

Ætlanin um innkoyringarvegin er tó ikki slept, sigur landsstýrismaðurin.

Hann verður prosjekteraður, tá løgtingið játtar pening. 

Sambært uppskotinum, sum var gjørt í 2008, verður vegurin í sunnara enda bundin í landsvegin við rundkoyring við Mækjuvegin, sum er vegurin til Norðoyatunnilin.

Í norðara enda er vegurin bundin við rundkoyring í vegin til Ánirnar. 

Við Helnabrekku er ætlanin at gera eina rundkoyring, so ovasti partur av Klaksvíkini verður bundin í vegin.