Døglingur kann fáa avleiðing fyri grind

Nýggja grindalógin loyvir føroyingur at veiða døgling. Tað gørdi gamla grindareglugerðin ikki. 

Døglingaveiðan er í ringasta føri brot á altjóða reglugerðina hjá altjóða hvalaveiðistovninum IWC, og kann fáa avleiðingar fyri altjóða rættin hjá føroyingum at drepa grind. 

Tað sigur Jústines Olsen, djóralækni, sum fyrr hevur ráðgivið landsstýrinum í hvalaveiðumálum. 

Jacob Vestergaard, landsstýrismaður, sigur í eini viðmerking, at hann hevur ráðført seg við embætisverkið, og tey siga, at døglingur kann ikki flokkast sum stórhvalur.

Tí er hann ikki fevndur av reglunum hjá IWC.