Føroyar skulu vera 100 prosent grønar

Stjórin og nevndarformaðurin í SEV, Jákup Suni Lauritsen, sigur, at ætlanirnar hjá RØKT eru ikki feskar, og SEV hevur eisini umsóknir um tað sama.

Hann vísir á, at lógin heimilar ikki RØKT at byggja vindmyllur, uttan so at RØKT hevur vunnið arbeiðið á almennum útboði.

Í løtuni er tað bara SEV, sum kann framleiða orku burturúr vatni.

Sirið Stenberg, landsstýriskvinna, er á veðurlagsráðstevnu í Marokko, men hon sigur í telefonini, at ráðið arbeiðir við nýggja vatnloyvinum hjá SEV.

Hon vil ikki siga, um nýggja vatnloyvið lovar privatum framat, eitt nú pumpuskipanum.