Eysturevropeisk mótstøða

Føroyska kvinnuhondbóltslandsliðið kom í bólk sjey í EM-undankappingini.

Mótstøðulondini vera Rumenia, Ukraina og Pólland.

Rumenia var styrkismett ovast. Tær endaðu á fjórða plássi í EM-endaspælinum í Fraklandi í fjør.

Stóra stjørnan hjá Rumenia er bakkurin, Cristina Neagu.

Hon varð kosin heimsins besti spælari í 2010,2015 og í 2016.

Kappingin er skipað við heima- og útidystum. Føroyar skulu tí spæla seks undankappingardystir.

Dystirnir verða spældur í september í ár og í mars og mai í næsta ár.

Trý lond spæla seg víðari úr hvørjum bólki.

Evropameistarakappingin verður í Noregi og Danmark í desember í 2020.