300 mió. kr. er ov lítið fyri Bank Nordik

Landsstýrið ætlar at selja eigarapartin í bankanum, men tað er ikki greitt, hvat pengarnir skulu brúkast til.

- Ynskini eru nógv, sigur Jørgen Niclasen, landsstýrismaður í fíggjarmálum.

Tað verður mett, at bankin er verdur okkurt um eina milliard krónur nú. Selur landsstýrið tann triðingin av bankanum, sum landið eigur umvegis Fíggingargrunnin frá 1992, verður tað okkurt um 333 milliónir krónur.

Men tað er ov lítið, heldur landsstýrismaðurin.

Enn er avgerð ikki tikin um, um tað eru føroyingar ella útlendingar, ið skulu keypa.