- Tíðindi, mentan og ítróttur
15 prosent av fiskinum kann landast uttanlands
15 prosent av fiskinum kann landast uttanlands
-Tað verður gjørt fyri at tryggja prísásetingina í Føroyum, sigur Jacob Vestergaard, landsstýrismaður í fiskivinnumálum
30.03.2021 - 19:49
Føroysk skip skulu nú sleppa at landa 15 prosent av veiðuni uttanlands. Sjófeingislógin ásetir annars, at øll veiða hjá føroyskum fiskiskipum skal landast í Føroyum. Tað er lógaruppskotið um veiðigjøld, sum er orsøkin til broytingina.
Sambært lógaruppskotinum um veiðigjøld skal veiðigjaldið á uppsjóvarfisk ásetast eftir miðal avreiðingarprísunum árið fyri. Við at loyva skipunum at landa 15 prosent av veiðuni uttanlands verður mett, at tað vil tryggja prísásetingina í Føroyum.
Landsstýrið ætlar, at veiðigjald verður lagt á uppsjóvarfisk og botnfisk í Barentshavninum. Kortini heldur landsstýrismaðurin tað vera rætt, at øll skip sleppa at landa 15 prosent av veiðini uttanlands.
Nýggjastu sendingar í ÚV
Nýggjastu sendingar í SV