Triathlon skal út um landið

26.04.2021 - 21:09
ÍtrótturAnnar ítróttur
Triathlon skal út um landið
Nýtt triathlonfelag er stovnað á Strondum. Tað er fyrsta slíka felag uttanfyri Havnina, og forkvinnan ætlar, at tey um eitt ár skulu hava 100 limir

Tak niður

Tey hava hvørki navn, limir ella høli, men kortini hava tey stovnað súkklufelag.

 - Tað er eitt sindur sum hjá Pippi. Vit fara bara í gongd, sigur Rigmor í Króki Rasmussen, sum er forkvinna í triathlonfelagnum, sum júst er stovnað á Strondum.

Frammanundan eru trý feløg, sum hoyra til sersambandið fyri súkkling og triathlon. Tey eru øll í Havn. Nú er tíð uppá, at breiða ítróttin út kring landið.

 - Sjálvandi skulu vit hava eitt felag á Strondum eisini. Her eru so nógvar góðar rutur, bæði til Selatraðar, Skálabotn og inni í sjálvari bygdini, so tað er upplagt, sigur forkvinnan.

Í nýggja felagnum fara tey at leggja dent á at fáa øll við.

 - Ítróttargreinin er jú bæði kapping og motión. Tað er ikki neyðugt at súkkla bara fyri at fara til kappingar. Tú kanst skipa fyri hugnaligum súkklutúrum. Fara sum ein familja vesturum til Selatraðar til dømis, sigur Rigmor í Króki Rasmussen.

Ætlanin er at skipa fyri venjing fyri børn minst einaferð um vikuna.

 
Er kopiera
Nýggjastu sendingar í ÚV
Sunnudag 16. mai
Helena Samuelsen er gestur í Brunsj
124277
Leygardag 15. mai
Jambalaja 150521
124271
Nýggjastu sendingar í SV
Hósdag 13. mai
Guðstænasta í Vesturkirkjuni
124199
Mánadag 10. mai
3-2
124088
Sunnudag 9. mai
Andakt við Øyvindi Bjerkenes
124018