Landsstýrismenn settir upp á pláss

Jens av Rana, landsstýrismaður, hevur alment sagt, at hann ikki vil lata seg koppseta, fyri enn øll langtíðarárin av Covid19 koppsetingarevnunum er skrásett. Hetta stríðir móti politikkinum hjá landsstýrinum, sum vil hava fólk at koppseta seg. Og Jacob Vestergaard, landsstýrismaður, er farin út við eini aðrari meining enn ta hjá landsstýrinum, í sambandi við einum radara á Sornfelli. Hesum vil Bárður Nielsen, løgmaður, ikki finna seg í og hevur sett teir báðar upp á pláss.