Langar bíðirøðir í Kastrup - floghavnin herðir trygdareftirlitið

Í morgun eru fleiri hundrað metrar langar bíðirøðir á flogvøllinum í Kastrup, skrivar danska TV 2.

Orsøkin er, at kravið um mannagongdir í trygdareftirlitinum er hert.

Á heimasíðuni mælir floghavnin í Kastrup ferðandi í Schengen-økinum til at møta tveir tímar undan fráferð. 

Hetta er eisini galdandi fyri føroyingar, tí í loftferðsluhøpi eru vit eisini í Schengen-økinum.

Ferðafólk, sum ikki eru í Schengen, skulu møta í Kastrup tríggjar tímar fyri fráferð. 

Sambært Ekstrablaðnum verður hert trygdareftirlit væntandi alt vikuskiftið.