Finna betri drápshátt ella gevast

Kjakið á Sosialum miðlum gongur heitt, og føroyingar eru býttir í tvey. Vit eru komin í heimspressuna, men ikki fyri tað góða. Í gjár tók stórur partur av útflutningsvinnuni beinleiðis frástøðu frá springaradrápinum, sum var í Skálafirði seinasta sunnukvøld. Og seinni kom løgmaður við boðum um, at landsstýrið skal umrøða lógarbroytingar, so hetta verður skipað ørðvísi. Men ber hetta til og hvussu kann tað gerast. Tað umrøddu Hans Jacob Hermansen, fyrrverandi formaður í grindamannafelagnum, og Signar Petersen, djóralækni, í sjónvarpsstovuni í kvøld.