- Tíðindi, mentan og ítróttur
- Vit spæla við hondbremsuni uppi
Føroysku spælararnir komu sera illa frá byrjan í EM-undandystinum ímóti Danmark í dag.
Øll vóru greið yvir, at Danmark var stórfavorittur í høllini á Hálsi, men tað kom kortini óvart á, at so lítið veiggj var í føroyska liðnum fyri steðgin.
- Eg haldi, at serliga í fyrra hálvleiki spæla vit við hondbremsuni uppi. Vit gera ekstremt nógvar tekniskar villur, og tær verða revsaðar hvørja ferð, sigur føroyski strikuspælarin, Bjarta Johansen, sum var vónbrotin um úrslitið.
Føroysku venjararnir tóku time-out mestsum beinanvegin.
- Vit spæla bara til síðuna og ongin koyrir á, og soleiðis var tað í høvuðsheitum ígjøgnum allan dystin, sigur Bjarta Johansen.
- Og tá vit royna at broyta tað, spæla vit nógv ein og ein, og tað er heldur ikki gott. Tað var ikki fyrrenn nú ímóti endanum, at vit spæla , sum eitt lið, og tað er eitt sindur ov seint.