Avgjaldsfríar kvotur til tey størstu reiðaríini

Avgjaldsfríar kvotur til tey størstu reiðaríini
Nógv er eftir at fiska av tí makreli, sum avgjald skal rindast av, men tann avgjaldsfríi makrelurin er nærum uppfiskaður.
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
21.10.2021 - 19:52

Føroyska makrelkvotan er søguliga stór í ár. Men lítið bendir á, at føroysku skipini klára at fiska kvotuna. Nú vertíðin fer at halla, er nærum helvtin av samlaðu kvotuni eftir at fiska. 

Meðan uppsjóvarskipini rinda tilfeingisgjald av sínum kvotum, so verða partar av kvotunum latnar sum stuðul til skip, ið vanliga ikki fiska makrel.

Og meðan nógv er eftir at fiska av kvotunum við avgjaldi - eru avgjalds-fríu kvoturnar næstan uppfiskaðar.

Ein gjøgnumgongd av teimum 68 loyvunum, latin sum stuðul til partar av flotanum, vísir, at meira enn annarhvør makrelur endar í teimum fýra, stóru samtøkunum í fiskivinnuni.

Talan er um beinleiðis stuðul til sterkastu reiðaríini í fiskivinnuni, sum als ikki hava tørv á stuðli. 
Tað metir Hans Ellefsen, búskaparfrøðingur, nú meginparturin av makrelkvotunum til heimaflotan fer til feløg hjá fýra teimum stóru uppsjóvar-samtøkunum. Varðin-samtakið hevði 100 milliónir krónur í yvirskoti í fjør, eftir skatt. Palli hjá Mariannu samtakið hevði 67 milliónir í yvirskoti, eftir skatt. Framherji samtakið hevði 85 milliónir í yvirskoti í fjør, eftir skatt. Og JFK-samtakið hevði 21 milliónir í yvirskoti í fjør, eftir skatt. Tilsamans høvdu hesi fýra samtøk 273 milliónir í yvirskoti í fjør, eftir skatt. 

 
Er kopiera
Nýggjastu sendingar í ÚV
Fríggjadag 18. juli
RagnarRokk: Erica Stoltz um Heat Lightning
194126
Fríggjadag 18. juli
Morgunlestur fríggjadagur 18.juli 2025
194089
Hósdag 17. juli
Morgunlestur hósdagur 17.juli 2025
194088
Mikudag 16. juli
Vit nerta við vaksin og skermar
194561
Nýggjastu sendingar í SV
Hósdag 17. juli
Lívia Mattos í løtuni á G!
194633
Hósdag 17. juli
Benjamin Rajani & Jónas Gaard á G!
194619
Mikudag 16. juli
3-2
194579
Mikudag 16. juli
Dagur og vika - teknmálstulkað
194550
Týsdag 15. juli
Veðrið
194514