- Tíðindi, mentan og ítróttur
Elisabeth millum tær bestu
Elisabeth millum tær bestu
Elisabeth Erlendsdóttir úr Havnar Svimjifelag vann tvey heiðursmerki í Norðurlandakappingini fyri juniorar á stuttgeil, sum var í Svøríki um vikuskiftið
06.12.2021 - 18:36
Elisabeth Erlendsdóttir vann tvey heiðursmerki, tá Norðurlandakappingin fyri juniorar var í Svøríki um vikuskiftið.
Svimjarin úr Havnar Svimjifelag vann silvur í 100m ryggsvimjing, tá hon endaði ein hundraðpart av einum sekundi aftanfyri Alice Velden við tíðini 1:01.42.
Elisabeth Erlendsdóttir vann bronsuheiðursmerki í 200m ryggsvimjing við tíðini 2:14.29.
Umframt heiðursmerkini setti føroyski svimjarin fríggjadagin føroyskt juniormet á 50m-teininum við tíðini 28.63 í NJM-finaluni. Harvið tók hon metið upp á 28.75, sum Signhild Joensen setti í NJM-kappingini í Reykjavík í 2017.
Nýggjastu sendingar í ÚV
Nýggjastu sendingar í SV