Løgmaður vil hava tíð at umráða seg

Bárður Nielsen, løgmaður, vil hava tíð at umráða seg eftir hørðu samanbrestirnar í samgonguni ídag.

Samgonguleiðarin stendur í tí støðu, at tingmaðurin Johan Dahl ikki vil halda fram í eini samgongu við Miðflokkin.

Og eftir fund í Miðflokkinum seinnapartin boðar flokkurin frá, at bæði Sambandsflokkurin og Fólkaflokkurin hava framt eitt so mikið stórt álitisbrot á samgonguskjalið, í einum av mest grundleggjandi málum Miðfloksins, at ivi er, um samgonguni er lív lagað.   

Afturat tí kemur støðan í Fólkaflokkinum, har ruðuleiki valdar, eftir at tvey landsstýrisfólk løgdu frá sær fyri at taka aftur sínar løgtingstingsessir. 

Bárður Nielsen var gestur í sjónvarpsstovuni.