Nýggi venjarin stendur á odda fyri fyrstu ferð

10.01.2022 - 19:01
ÍtrótturHondbóltur
Nýggi venjarin stendur á odda fyri fyrstu ferð
Í mai í fjør varð Peter Bredsdorff-Larsen settur sum nýggjur landsliðsvenjari hjá hondbóltslandsliðnum, og um vikuskiftið skal hann standa á odda fyri liðnum fyri fyrstu ferð

Um vikuskiftið stendur Peter Bredsdorff-Larsen á odda fyri føroyska hondbóltslandsliðnum við monnum fyri fyrstu ferð.

Síðan hann varð settur í starv sum landsliðsvenjari í mai, hava Føroyar ongan dyst spælt, men nú verður tað.

Um vikuskiftið er HM-undankapping á skránni á heimavølli, og mótstøðuliðið eita Luksemburg, Italia og Lettland.

 - Eg eru spentur. Nú hava vit havt eitt hálvt ár til at læra landið og teir føroysku spælararnar at kenna, og hava fingið møguleikan at arbeiða eitt sindur við okkara spæliætlan, so nú verður gott at royna tað á hægsta stigi, sigur Peter Bredsdorff-Larsen.

Venjararnir hava tikið 22 spælarar út, og mikudagin skulu 16 veljast til fyrsta dystin ímóti Luksemburg.

Møguleiki er tó at skifta tveir spælarar út ímillum fyrsta og annan dystin og aðrar tveir ímillum annan og triðja dystin.

 - Vit vilja fegnir hava ein stóran hóp - eisini við framtíðini í huga - og fyri at hava so nógvar møguleikar sum gjørligt, sigur landsliðsvenjarin. 

Tróndur Mikkelsen, sum hevur havt eitt gott kappingarár í Viking Stavanger, er ein av teimum, sum situr sum á nálum og bíðar eftir úttøkuni mikudagin. 

 - Eg eri ótrúliga spentur. Tað er stuttligt at vera við, sama um eg verði tikin út ella ikki, og eg berjist við fleiri royndar spælarar um plássini, sigur bakkurin. 

 
Er kopiera

Tak niður

Nýggjastu sendingar í ÚV
Hósdag 11. august
Morgunlestur hósdagur 11. august 2022
143009
Mikudag 10. august
Morgunlestur mikudagur 10. august 2022
143008
Mikudag 10. august
LEITISSTEIN 09.08.2022 (Bjørt Lind)
143130
Týsdag 9. august
Botnstríðið harðnar
143083
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750