Hann var tøkur bæði dag og nátt

Brádliga í síðstu viku komu deyðsboðini um trúgva hallarvørðin í Havn, Dánjal Samuelsen. 

Dánjal byrjaði sum húsavørður fyrst í øldini, og hann varð seinni leiðari á Ítróttarannleggum og umsat allar hallir og vøllir í kommununi. 

 - Øll ítróttarfólk kendu Dánjal. Flestu onnur kendu hann eisini, tí Høllin á Hálsi er ein mentanardepil, og altíð sást hann til ymsiku tiltøkini í høllini.

 - Hann var í øllum ein álitismaður, trúfastur og vitugur, ein góður starvsfelagi og ein góður vinmaður. Onki merkti hann meira enn ídni og arbeiðssemi, stendur at lesa á heimasíðuni hjá Tórshavnar Kommunu.

Hetta gongur aftur í orðunum hjá teimum trimum Annu Dam, Maibritt Johannessen og Sylviu Berg Johansen, sum umboða H71, Kyndil og Neistan.

Ítróttarfeløgini í høvuðsstaðnum hava nógv at takka Dánjali fyri, søgdu tær til ervið leygardagin í Høllini á Hálsi, har bæði familja og 'ítróttarfamiljan' var komin saman.