Offside: orð kunnu skapa ótryggleika

Hvussu er tað at vera homseksuellur fótbóltsspælari?

Millum annað tann spurningin viðgerð leikurin, Offside, sum verður sýndur í Norðurlandahúsinum hesa vikuna.

 Tað er danski leikbólkurin, Hils din mor, sum sýnir leikin í samband við barna- og ungdómsfestivalin, Frítt flog.

Leikurin snýr seg í stuttum um dugnaliga fótbóltsspælaran, Nick, sum droymir um at klára seg væl í fótbólti. Alt broytist, tá hann fær ein nýggjan liðfelaga, Asbjørn. 

 - Um fótbólturin ella ítrótturin ikki rúmar øllum, sum tú ert, eisini tín seksualitet, so er tað ein trupulleiki, sigur Mathias Bøgelund, sum spælir høvuðsleiklutin í sjónleikinum.

Offside viðger eisini stundum harða málburðin kring leikvøllir, sum kann vera bæði homofobiskur, sexistiskur ella rasistiskur.

 - Øll skulu kenna seg vælkomin og trygg á leikvøllum. Í nógvum londum er tað (fótbóltur, red.) tjóðarítrótt, og tað kann ikki vera rætt, at tað skal vera eitt land fyri seg, har tú kemur og hoyrir viðmerkingar, sum eru niðrandi ímóti tí, sum tú ert, sigur framleiðarin, Jesper Frølund Hansen. 

offside_mynd1.jpg

Frítekst tagging: 

Fótbóltur

Sjónleikur

Offside