Loysnin á lúsatrupulleikanum

Íløgan er rættuliga stór, tilsamans 140 milliónir krónur. Men afturfyri fær Atli Gregersen eina aling, stórt sæð leysa av laksalúsini:

Eftir hvítusunnu fara fyrstu smoltini av støðini á Fútakletti í fýra ringarnar - sonevndar lokaðar eindir - sum liggja innarlaga á Sørvágsfirði:

Hvørjar 50 minuttir verða allir 15.000 kubikkmetrarnir av sjógvi í ringinum útskiftir. Umframt at verja laksin móti laksalúsini, so gevur tað møguleikar at stýra umhvørvinum, har laksurin svimur.

Smoltini av støðini á Fútakletti eru umleið 600 gram, tá tey verða slept í hesar lokaðu eindirnar. Og her svimja tey, til tey eru tvey kilo stórur laksur, sum síðani verður fluttur í vanligar aliringar longri úti á Sørvágsfirði.

Skarnið frá fiskinum í lokaðu eindunum verður savnað og pumpað teir tveir kilometrarnar út um Múlan, út á streymasjógv.