VIDEO: Jónas sett nýggj føroysk met

Jónas Isaksen, sum í løtuni kappast um evropameistaraheitini fyri ung undir 18 ár, hevur sett tvey føroysk met upp á ein dag.

Fyrra metið setti hann í 400 metra renning við tíðini 49,19 sekund. Gamla metið átti Tórur Mortensen, og tað var 49,41 frá 2020.

Seinna metið setti hann í longdarlopi, tá hann leyp út á 7,15 metrar. Tað var nærum 23 ára gamla metið hjá Ása Mikkelsen upp á 7,10 metrar, sum fall.

Jónas Isaksen leyp seg við metlopinum í finaluna í longdarlopi, sum verður týsdagin.

Metmaðurin og Eiri Glerfoss umboða í løtuni Danmark í U18-EM, sum er í Jerusalem í Ísrael.

Sí 400 metra renningina hjá Jónasi Isaksen omanfyri