Gravgangur eftir vaskiarbeiði

Ikki øll hava torført við at finna starvsfólk - í hvussu er ikki til kvøldarbeiði.

Hóast arbeiðsmarknaðurin skríggjar eftir arbeiðsfólki, so eru nógv, ið ynskja sær fleiri arbeiðstímar. Tað siga reingerðartænasturnar. 

Jákup Heinesen er stjóri og eigari av fyritøkuni Dveylan. Sambært honum er okkurt, ið bendir á, at nógv fólk ið framman undan hava starv um dagin, gjarna vilja átaka sær nakrar eyka arbeiðstímar um kvøldarnar.

Fyrr var torført at finna starvsfólk til bæði dag- og kvøldvaktir, sigur hann, men nú er talið av umsóknum fleirfaldað - serliga til kvøldarbeiði. 

Kringvarpið hevur tosa við aðrar vaskifyritøkur, millum annað Skimma og Reingerðartænastan Grundvask, ið siga, at tey eisini uppliva at fáa fleiri umsóknir hesa tíðina.