- Vóni at fáa eitt gott val

- Eg havi ikki nakran hóming av, hvussu tað fer at ganga. Men eg vóni sjálvandi, at tað fer at ganga gott, segði Elsebeth Mercedis Gunnelygsdóttur, tá hon fór á val í dag. 

Hetta er triðju ferð, at Elsebeth Mercedis Gunnleygsdóttur stillar upp til fólkatingsvalið. Eisini hevur hon stillað upp til løgtingsval fýra ferðir. 

Á seinasta fólkatingsvalið fekk Elsebeth Mercedis Gunnleygsdóttur 443 persónligar atkvøður.

Til fólkatingsvalið í ár er hon einasta kvinnuliga umboð hjá Fólkaflokkinum, sum plagar at standa seg væl í Klaksvík. 

- Persónliga eri eg von við at arbeiða saman við monnum. Sum løgreglukvinna og seinni sum politikari. Heilt erligt, so hevði tað helst riggað betri, um vit vóru fleiri kvinnur á listanum, segði Elsebeth Mercedis Gunnleygsdóttur.

Nú eru valstaðið í Klaksvík stongt. Og greitt er, at vallúttøkan í Klaksvík til hetta fólkatingsvalið gjørdist 70,22%, sum er meira enn seinast.