Gunnar og Sølvi Vatnhamar: - Back to basics

18.11.2022 - 22:40
ÍtrótturFótbóltur
Gunnar og Sølvi Vatnhamar: - Back to basics
Stórtapið fyri Kekkia smakkaði føroyska fótbóltslandsliðnum illa, og nú ræður um at "gera tað gott aftur" ímóti Kosovo leygardagin, siga Sølvi og Gunnar Vatnhamar

Teir vilja fegnir gera tað gott aftur.

Sølvi og Gunnar Vatnhamar, beiggjarnir úr Víkingi, eru báðir vónbrotnir um stórtapið fyri Kekkia mikudagin og ætla at gera tað gott aftur, tá ið Kosovo tekur ímóti í Pristina.

 - Vit eru vónbrotnir, men síggja fram til næsta dyst og vilja fegnir bøta um skaðan og gera tað gott aftur, sigur Gunnar Vatnhamar, sum spældi ein av sínum ringastu landsdystum mikudagin.

 - Óbehagiligt at vera á vøllinum

Sølvi Vatnhamar dylur ikki fyri, at fyrsta løtan í Olomouc, tá ið Kekkia skeyt trý mál upp á 10 minuttir, var vánalig.

 - Serliga ta fyrstu løtuna var tað óbehagiligt at vera á vøllinum, staðfestir hann.

 - Teir spældu væl, fingu okkum at renna, funnu loysnir í bakrúmi, millumrúmi og í síðunum, og vit fingu ikki steðga nøkrum, hóast vit vóru væl fyrireikaðir.

Skulu longur fram at steðga Kosovo

Leikætlanin fer at líkist henni ímóti Kekkia, væntar Sølvi Vatnhamar.

 - Vit skulu nokk liggja eini 10 metrar longri frammi á vøllinum við miðketuni, og verjan má fylgja við, so vit kunnu gera tað truplari fyri teir, sigur royndi miðvallarin.

Hóast talan er um venjingardyst, skal úrslitið leygardagin vera munandi betri.

 - Tað er einki stuttligt at tapa 5-0. Fortel mær, um nakar tímir at tapa, eingin tímir at tapa, og tað vilja vit heldur ikki gera í morgin. Vit fara inn fyri at vinna, tað er einki, sum eitur, sigur Gunnar Vatnhamar.

Nakrar broytingar

Á tíðindafundi undan venjingini fríggjadagin segði landsliðsvenjarin, Håkan Ericson, at hann ætlaði at gera einar fýra broytingar í byrjanaruppstillingini. 

Tann eina er sjálvsøgd. Gunnar Nielsen, sum stóð í málinum ímóti Kekkia, er farin heim við skaða, og so skulu Mattias Lamhauge og Bárður á Reynatrøð kappast um plássið millum stengurnar. Håkan Ericson vildi ikki avsanna, at teir kanska fáa ein hálvleik í part.

Dysturin ímóti Kosovo verður sendur í sjónvarpinum frá klokkan 16.50.

 
Er kopiera

Tak niður

Nýggjastu sendingar í ÚV
Hósdag 1. desember
Mono: Fimm áratíggju (2:5)
148822
Hósdag 1. desember
Góðan morgun Føroyar 01. desember 2022
148795
Hósdag 1. desember
Morgunlestur hósdagur 1. desember 2022
148582
Nýggjastu sendingar í SV
Hósdag 1. desember
Val kring landið - Hov
148799
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728
Týsdag 29. november
Val kring landið - Klaksvík
148669