Tummas Lervig: KÍ var fyrsta val hjá Magne Hoseth

22.11.2022 - 09:59
ÍtrótturFótbóltur
Tummas Lervig: KÍ var fyrsta val hjá Magne Hoseth
42 ára gamli Magni Hoseth varð mánadagin kunngjørdur sum nýggjur venjari hjá KÍ. Hann vil lyfta stigið í felagnum enn meir, segði formaðurin í KÍ, Tummas Lervig

Tað verður Magne Hoseth, sum skal vera venjari hjá KÍ.

Tað var greitt mánadagin, tá ið 42 ára gamli norðmaðurin varð kunngjørdur á KÍ-loftinum við Djúpumýrar.

Magni Hoseth er fyrst og fremst kendur sum spælari, har hann millum annað umboðaði Molde, FCK og Vålerenga. Síðstu árini hevur han verið hjálparvenjari í Kristiansund BK í norsku deildini.

Síðan Mikkjal Thomassen gavst í KÍ og fór til Fredrikstad í næstbestu norsku deildini, hevur nevndin í felagnum leitað eftir nýggjum venjara.

Leygarkvøldið eydnaðist at leggja putlispælið, og tað var avgerandi fyri KÍ, at Magni Hoseth hevði felagið sum fyrsta val.

 - Tá ið vit fortaldu honum, hvar vit stóðu, og hvar vit ætlaðu, so segði hann, at 'eg vil byggja uppá, og eg vil hækka yvirleggjaran', segði KÍ-formaðurin, Tummas Lervig.

Væntar onga kollvelting

Besta mansliðið hjá KÍ hevur verið sterkastu fótbóltsliðið í Føroyum seinastu árini, og í fjør eydnaðist at fáa heili 77 stig. Tað eru bert fýra frá fullum stigatali. 

Magne Hoseth nevndi, at tað helst verður trupult at fáa fleiri stig, men at ambitiónin framvegis er at røkka einum evropeiskum bólkaspæli. Tað skal gerast uttan at kollvelta felagið, segði Magni Hoseth, og júst tað dámdi KÍ-liðskiparin, Jákup B. Andreasen.

 - Tað virkaði, sum hann hevur stóra virðing fyri mentanini, sum vit hava her norðuri, og tað ætlar hann at varðveita. Samstundis ætlar hann at koma við nýggjum hugskotum og byggja uppá, segði Jákup B. Andreasen.

Magni Hoseth kemur til Føroya í næstu viku. Í fyrstu syftu er talan um stutta vitjan.

 
Er kopiera

Tak niður

Nýggjastu sendingar í ÚV
Hósdag 1. desember
Mono: Fimm áratíggju (2:5)
148822
Hósdag 1. desember
Góðan morgun Føroyar 01. desember 2022
148795
Hósdag 1. desember
Morgunlestur hósdagur 1. desember 2022
148582
Nýggjastu sendingar í SV
Hósdag 1. desember
Val kring landið - Hov
148799
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728
Týsdag 29. november
Val kring landið - Klaksvík
148669