VIDEO: Stórur gravgangur eftir at síggja SHREK í Fuglafirði

Mentanarhúsið í Fuglafirði er í hesum døgum á tremur við áskoðarum hvørt kvøld. 

Sangleikabreytin á eNámi-skúlasamstarvinum sýnir fram leikin SHREK. 

eNám-samstarvið fevnir um næmingar í 10. flokkunum úr Stranda skúla, Fuglafjarðar skúla og Skúlan við Streymin. 

Og áhugin fyri leikinum er ovurhondsstórur, tí allar sýningarnar í Mentanarhúsinum í Fuglafirði fram til 29. mars eru útseldar. 

mynd_shrek.jpg

Byggir á film frá 2001

Sangleikurin SHREK, ið byggir á filmin við sama navni frá 2001, hevur alt tað, ein stórur og góður leikur skal hava: Sjónleik, tónleik, sang, dans og tøkni.

Men sera nógv er eisini gjørt burturúr búnum og palli, har næmingarnir hava fingið hjálp frá fakfólki, foreldrum og avvarðandi annars. 

Tað eru lærararnir, Bárður á Lakjuni og Marjun Djurhuus, ið hava sangleikin undir hond.

28 næmingar í 10. flokki eru á e-Nám Sangleikabreytini í ár, og næmingarnir eru úr Fuglafjarðar skúla og skúlanum við Streymin.

Barnaútvarpið hevur vitjað SHREK og eisini filmað hetta brotið.