Floksfelagar manna bát

Floksfelagar manna bát
Genturnar á Sílinum eru floksfelagar, hava framvegis aldur til barnaróður og eru í hørðum FM-stríði við Títtling, sum eisini er úr Havnar Róðrarfelag. Vit hittu tær á jóansøku
26.06.2023 - 20:49

Tær brúka meginpartin av síni tíð saman.

Genturnar á Sílinum hjá Havnar Róðrarfelag eru ikki bert bátsfelagar. Tær eru eisini floksfelagar, sum nú kappast um føroyameistaraheitið hjá gentum 14-16 ár.

 - Í 2020 skrivaði eg út át á bólkin hjá flokkinum og spurdi, um tað vóru nakrar gentur, sum høvdu hug at rógva, tí vit ætlaðu at gera eina barnamanning, og tað vóru fleiri beinanvegin, og tá ið avtornaði vóru seks gentur, sum valdu at byrja at venja, greiðir Vár í Gong frá.

Dótturin, Barbara Feilberg í Gong, og Maria Hentze Niclasen eru tvær av gentunum, sum nú rógva vaksnamannaróður, hóast allar uttan ein framvegis hava aldur til barnaróðurin.

 - Vit hava eina, sum er eitt ár eldri, og vit vildu ikki, at hon skuldi fara frá okkum, sigur Maria Hentze Niclasen.

 - Tær kundu allar uttan ein hildið áfram í barnaróðri, men tað tímdu genturnar ikki. Nú vildu tær hava kapping, og tí eru tær upp i í vaksnamannaróðrinum, og tað gongur strálandi, sigur Vár í Gong.


Kappast ímóti sínum egnu

Tað gongur somikið væl, at Sílið er fremst í FM-kappingini í løtuni. Tær hava vunnið tveir róðrar, og eru endaðar á 2. plássi í tí triðja. Tað er merkisvert, at harðasti kappingarneytin um føroyameistaraheitið, er Títtlingur, sum eisini er úr Havnar Róðrarfelag.

 - Tað er spennandi. Fyri meg er tað ringt aat vera ill inn á tær, tí vit eru úr sama felag, sigur Barbara Feilberg í Gong.

Málið er kortini greitt. Tær vilja vinna føroyameistaraheitið.

 
Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435