Ísak: Lætt at vera strika við spælingum frá Eliasi

Ísak Vedelsbøl er yngsti maður á U21-hondbóltslandsliðnum. Hann er bara 18 ára gamal, men hóast tað er hann skansin í føroysku verjuni og ein av lyklunum til mál í álopsstøðu. 

Tað hevur verið nógv gott spæl at sæð millum Ísak Vedelsbøl og Elias á Skipagøtu undir HM. 

- Sum strikuspælari er tað rættiliga lætt at spæla saman við Eliasi. Hann sigur bara eitt, tvey ella trý og so fái eg bóltin, greiðir Ísak Vedelsbøl m.a. frá. 

Ungi strikuspælarin hjá Føroyum er ein teirra, sum eftir ætlan skal sparast í dystinum ímóti Portugal seinnapartin.