Poul Kallsberg er í toppformi

Poul Kallsberg var fyri fyrstu ferð at síggja í liðuppstillingini hjá landsliðnum fríggjakvøldið móti Slovakia.

Tað bleiv til 55 minuttir í minniliga 1-1 javnleikinum á Tórsvølli hjá fyrrverandi Víkinga-spælaranum, sum nú spælir í donskum fótbólti.

- Tað var heilt ófatiliga stuttligt, sigur Poul Kallsberg.

Høgri vongurin hevur glett seg at byrja inni, og at fáa møguleikan á heimavølli, gjørdi tað bara eyka stuttligt.

23 ára gamli Hillerød-spælarin vil ikki avdúka, um hann aftur fær kjansin frá byrjan móti Kasakstan í morgin.

- Vit hava fingið onkur boð, men tað er einki, sum er 100 prosent sikkurt enn.