Spentar KÍ-mammur: Ein øl er góð fyri nervarnar

Fleiri flogfør við KÍ-fjepparum eru lend í Molde seinastu dagarnar.

Millum fjeppararnar er eisini mammurnar hjá nøkrum av leikarunum. 

Tær viðganga blank, at tær eru so spentar til dystin í kvøld, at tær hava havt ilt við at fingið blund í eyguni í nátt. 

KÍ-mammur, Jórun Andreasen

"Hetta er øgiliga strævið, tí tað er sum at vera til eina steypafinalu hvørja viku. Mann er móður, men tað er øgiliga stuttligt," heldur Jórun Andreasen, mamma Jákup B. Andreasen, KÍ-liðskipara. 

KÍ-mammur, Annika Frederiksberg

"Tað gekk ein løta, áðrenn eg sovnaði í nátt, men eg svav gott," sigur Annika Frederiksberg, mamma Árna Frederiksberg, ið er stóra samtaluevnið í evropiskum fótbólti í løtuni. 

KÍ-mammur, Jóna Vatnsdal

"Oh my God, eg havi nervar. Eg vóni, at teir fara at vinna. Einasti heiligvágur móti nervunum er ein øl," sigur Jóna Vatnsdal, mamma Heina Vatnsdal, við einum brosi. 

KÍ-mammur, Mathilda Johannessen

"Eg vóni, at Jonn fær nakrar minuttir í dystin," sigur ein spent Mathilda Johannessen, mamma Jonn Johannesen. 

Kringvarpið vísir dystin millum Molde og KÍ beinleiðis í sjónvarpinum frá klokkan 17.50. 

Dagur og vika verður eisini framskundað til 17.30 orsakað av dystinum.