Av skurðborðinum í renniskógvarnar

Rógvi Kárason hevði runnið slakar 10 kilometrar av Tórshavn Maraton tíðliga í juni, tá hann brádliga kendi á sær, at hann mátti steðga.

Hann kastaði seg út í grasið, og fólk komu honum skjótt til hjálpar. 26 ára gamli langteinarin endaði á Landssjúkrahúsinum, har kanningar staðfestu, at talan var um viðfødda hjartafeilin, Wolff-Parkinson-White.

Rennarin úr Bragdinum fekk boð um, at hann skuldi undir skurð í august. Stóru summarætlaninar - millum annað Oyggjaleikirnir í Guernsey - fóru fyri skeytið.

Síðsta mikudag var Rógvi Kárason lagdur undir skurð. Tað gekk væl, og boðini frá læknanum vóru, at hann kann fara undir at venja mestsum alt fyri eitt.

Og tað er júst tað, sum hann ætlar sær, og málini eru at taka føroysku metini á maraton- og hálvmaratonteinunum.

Sí Rógva Kárason greiða frá sermerktu søguni í innslagnum omanfyri