Jens á Skipagøtu: Hava vant uppmerksemi

Talan verður um ókent lendi, tá Føroyar spælir sín fyrsta EM-dyst ímóti Slovenia hósdagin.

Leikstig og leikferð er ivaleyst hægri, enn flestu spælararnir á føroyska landsliðnum hava roynt fyrr, men stóra miðlaumrøðan og mongu túsund viðhaldsfólkini kunnu eisini órógva spælararnar.

Tí hevur sinnisligi parturin fylt nógv í fyrireikingunum hjá Føroyum.

 - Vit hava givið teimum nøkur amboð at arbeiða við, sigur Jens á Skipagøtu.

 - Serliga hava teir vant sítt uppmerksemi rundan um tey tingini, sum teir skulu gera. Tað vil siga, at tá vit koma í høllina, og tað verður nógv órógv - eisini í samband við stóru miðlaumrøðuna - at spælararnir savna seg um røttu tingini, greiðir Jens á Skipagøtu frá.