Javnleikurin ikki sodnaður enn

Tað tók nógvar tímar áðrenn føroysku spælararnir fingu frið í kropp og sinn, eftir stóru upplivingina móti Norra saman við 5.000 føroyingum í týska høvuðsstaðnum, Berlin.

- Eg haldi vit eru øgiliga nógvir, sum hava havt trupult við at sova í nátt, sigur Rói Berg Hansen.

Elias Ellefsen á Skipagøtu tryggjaði føroyska hondbóltslandsliðnum søguligan javnleik ímóti Norra, tá hann skoraði við brotskasti í evstu løtu og sendi 5.000 í dreymaland.

Vinstri vongurin á landsliðnum, Rói Berg Hansen, fekk trý mál í norðurlendsku grannauppgerðini.

- Eitt er úrslitið, men at vera aftanfyri við trimum, tá tveir minuttir eru eftir. Tað kann ikki lýsast.