- Vit eru ernar í kvøld

- Vit eru ernar í kvøld
Nógv riggaði væl í dystinum ímóti Svøríki, helt verjuskansin Brynja Høj, sum hevur góðar vónir til avgerandi dystin á útivølli ímóti Íslandi sunnudagin
03.04.2024 - 22:33

 - Vit eru ernar í kvøld.

Tað segði Brynja Høj eftir at bestu føroysku hondbóltskvinnurnar høvdu tapt við fýra málum ímóti Svøríki, sum telist millum heimsins sterkastu lið í løtuni.

Neistakvinnan spældi ein branddyst í føroysku verjuni undir liðini á millum annað Pernille Brandenborg, og tí sluppu sviar ongantíð undan Føroyum.

 - Vit fluttu okkum væl, standa væl saman og hjálpa hvørji aðrari. Eg eri ordiliga glað fyri okkara verju í dag, segði Brynja Høj, sum eisini rósti føroyska álopsspælinum, har bakketan við Janu Mittún, Súnu Krossteig Hansen og Elsu Egholm mestsum allan dystin megnaði at spæla seg til kjansir.

Hóast einki stig kom burturúr, gevur góða úrslitið gott mót til avgerandi dystin ímóti Íslandi sunnudagin.

 - Hetta gevur sjálválit. Nú eru vit alvorliga motiveraðar og gleða okkum til sunnudagin, segði Brynja Høj.

 
Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520