- Vit hava flutt okkum nógv

- Vit hava flutt okkum nógv
Góða úrslitið ímóti Svøríki kom ikki óvart á Janu Mittún, sum staðfesti, at bestu føroysku hondbóltskvinnurnar hava flutt seg nógv ígjøgnum hesa undankappingina
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
03.04.2024 - 22:38

Tað kendist onkursvegna sum ein sigur. 

Tað helt Jana Mittún, eftir at føroyska hondbóltslandsliðið við kvinnum hevði tapt við fýra málum ímóti krútsterka svenska liðnum, sum longu hevur spælt seg til EM-endaspælið.

Kortini kom góða úrslitið ikki óvart á kvika bakspælarin, sum endaði sum føroyskur toppskjútti við átta málum.

 - Vit hava flutt okkum nógv síðan tann fyrsta dystin ímóti Svøríki, og vit trúðu upp á, at vit kundu fáa munin niður í mun til seinast, segði Jana Mittún.

Ta ferðina var munurin 17 mál. Hesa ferð slapp Svøríki ongantíð ordiliga undan, og menningin var týðilig. Føroyska verjan spældi ein sera góðan dyst, meðan Súna Krossteig Hansen, Elsa Egholm og Jana Mittún sjálv alsamt hóttu sviar.

Føroyska álopsessið var eisini stak væl nøgd við álopsspælið.

 - Vit duga væl at hyggja at, hvørjir spælarar hjá Svøríki eru inni, og hvar vit skulu leypa á, greiddi hon frá.

 - Síðst lupu vit kanska á teirra sterkastu leikarar, meðan vit í dag løgdu okkum eftir at leypa á teirra veikastu verjuspælarar. Harafturat riggaði tað væl, at eg og Súna skiftast um at taka tvídystirnar, so tað ikki verður ov strævið, segði Jana Mittún.

 

 
Er kopiera
Nýggjastu sendingar í ÚV
Leygardag 12. juli
Morgunlestur leygardagur 12.juli 2025
194084
Fríggjadag 11. juli
Praktikanturin: Erika Hentze Niclasen
194337
Fríggjadag 11. juli
Radio Stjernekilde II - part 5
194323
Fríggjadag 11. juli
RagnarRokk: Oskar Holldorff um Shards
194118
Nýggjastu sendingar í SV