Grønland boykottar Norðurlandaráðið

Føroyar og Grønland hava ynskt fullan limaskap í Norðurlandaráðnum, men tað hevur Svøríki higartil forðað. Og nú hevur svenski formansskapurin í Norðurlandaráðnum eisini boðað frá, at hvørki Føroyar, Grønland ella Áland sleppa á summarfundin hjá ráðharraráðnum í summar. Orsøkin er, at skipað verður fyri fundum á hægsta stigi, tá tað kemur til uttanríkis- trygdar og verjupolitikk, og har hava tey trý sjálvstýrandi londini einki at gera. Tað hevur fingið Mute B. Egede et gera álvara av sínum hóttanum um at steðga samstarvinum og ikki møta á nøkrum fundi í ráðnum.

Føroysku umboðini í Norðurlandaráðnum, Erling Eidesgaard úr Tjóðveldi og Johan Dahl úr Sambandsflokkinum, skilja væl grønlendingar og halda, at vit eru komin nær markinum fyri, at vit møguliga skulu taka okkum úr samstarvinum.