Vígdis hevur onga viðmerking

Klokkan ellivu fyrrapartin fóru umboð fyri Havnar Arbeiðskvinnufelag og Føroya Arbeiðsgevarafelag á fund at umrøða sáttmálaspurningin.

Umboð fyri Semingsstovnin vóru eisini við á fundinum.

Havnar Arbeiðskvinnufelag er ikki við í verkfallinum hjá hinum arbeiðarafeløgunum.

Á veg inn í fundarhølið hittu við forkvinnuna í Havnar Arbeiðskvinnufelag, Vígdis Johannesen. Spurd hví, arbeiðskvinnurnar í Havn ikki eru í verkfalli saman við hinum arbeiðarafeløgunum, var svarið stutt og greitt:

"Onga viðmerking."

Terje Sigurðsson, semingsmaður, vil ikki siga, um talan er um eina beinleiðis semingsroynd, men meira um ein fund, har Semingsstovnurin er við fyri at kunna seg um støðuna.