Semingsmaðurin: "Ikki eitt orð um nakað sum helst"

Nakað eftir klokkan 10 fyrrapartin í dag, hósdagin, fóru arbeiðsgevararnir og arbeiðarafeløgini á fund við semingsmannin í hølunum hjá semingsmanninum á Tinghúsvegnum

Terje Sigurðsson, semingsmaður, hevði boðað frá, at hann einki semingsuppskot hevði við á fundin. 

Men gevur fundurin ábendingar um, at partarnir eru sinnaðir til at flyta seg, er tað orsøk til at hittast aftur til samráðingar í morgin, fríggjadagin, hevði hann boðað frá áðrenn fundin. 

Men tá semingsmaðurin fór á fundin, var hann tættur sum tunnan.

Spurdur um hann kundi siga okkurt, ið gevur føroyingum vón um, at verkfallið skjótt er av, svaraði Terje Sigurðsson:

"Ikki eitt orð um nakað sum helst."