Eitrandi nudlur tiknar av hillunum

Trý sløg av nudlum av merkinum Samyang eru afturkallaðar úr handlunum. 

Tað er Heilsufrøðiliga Starvsstovan, sum hevur afturkallað Samyang Buldak 3 x Spicy & Hot Chicken, 2 x Spicy & Hot Chicken og Hot Chicken Stew, tí nøgdin av totalcapsaicin í vørunum hevur ein váða við sær fyri akuttari eitran.

Vøran er seld í føroyskum handlum.

Heilsufrøðiliga Starvstovan mælir borgarum til at lata vørurnar inn aftur, haðani tær eru keyptar ella beina tær burtur.

Avgerðin er tikin, eftir at danskir myndugleikar hava afturkallað vøruna.

Bárður Enni, stjóri í Heilsufrøðiligu Starvsstovuni, er gestur í sjónvarpsstovuni.