Trý ferðsluóhapp í hálkuni í gjár

Ferðslan var tarnað av hálku og jarðroki í gjárkvøldið, sigur vakthavandi á politistøðini.

Trý ferðsluóhapp vóru, men eingin persónskaði.

Ein bilur fór útav á Sandavágshálsi og um sama mundi fór ein bussur hjá bygdaleiðum útav vegnum á vegastrekkinum millum Vágatunnilin og Leynatunnilin.

Ikki nógv fólk vóru í bussinum, sigur vakthavandi, og øll vóru fingin út í øllum góðum, áðrenn bussurin var fingin upp aftur á vegin.

Eisini var eitt ferðsluóhapp í Kalbaksbotni í hálkuni.