Ukrainsk flóttafólk í bíðistøðu

Rætting klokkan 21.30: Í innslagnum verður sagt, at kunngerðin var lýst í Danmark 4. juni. Tað er ikki rætt. Hon var lýst av donsku myndugleikum í lovtidende 14 dagar seinni, 18. juni. Hon kann ikki lýsast í Føroyum, fyrr enn hon er lýst í Danmark. 

--

Løgtingið samtykti fyri hálvum øðrum mánaði síðani uppskotið hjá løgmálaráðnum um at taka 50 flóttafólk aftrat úr Ukraina, so kvotan fer úr 200 flóttafólkum upp í 250.

Men í móttøkuhúsunum hjá Reyða krossi Føroya í Havn bíða 22 ukrainsk flóttafólk eftir, at umsókn teirra um uppihaldloyvi verður viðgjørd.

Orsøkin til, at umsóknirnar ikki eru viðgjørdar enn, er, at kunngerðin ikki er lýst - fyrr enn í dag.