Ótrygg búfólk á Skálagarði

Herfyri varð Mildrid á Lógv, leiðari á Skálagarði í Klaksvík, send til hús og fríttstillað. Eingin veit hví hetta hendi, og tað hevur elvt til órógv millum búfólkini á stovninum.

Skálagarður er ein stovnur undir Almannaverkinum fyri seinheilaskadd í Klaksvík. Pláss er fyri fimtan fólkum á stovninum, harav nøkur eru fastbúgvandi, nøkur eru til umlætting meðan aftur onnur skulu vera har tíðaravmarkað, inntil tey til dømis kunnu fara heimaftur í eini tillagaðan bústað.

Nú eru bara seks fólk á stovninum. Tað eru ikki starvsfólk til fleiri. At hópin av starvsfólkum hava sagt upp og onnur sjúkrameldaði ger ikki støðuna betur.