Íløgur eiga at verða fíggjaðar yvir fleiri ár

Suðuroyarskipið glapp Strandferðsluni av hondum, tí Strandferðslan var noydd at fara til politiska myndugleikan at biðja um 250 milliónir krónur at gjalda skipið kontant.

Tað vildi politiski myndugleikin ikki.

Men hetta er eisini ein heilt óvanlig skipan, tí aðrastaðni vera slíkar íløgur útreiðsluførdar í bitum yvir fleiri ár - alt eftir, hvussu leingi skipið, bilurin ella tólið væntast at halda.

Og soleiðis áttu vit eisini at gjørt í Føroyum. Tað heldur Leif Abrahamsen, sum er stjóri á Gjaldstovuni. Atlso stjóri á tí stovninum, sum bókar allar rokningar hjá almennu Føroyum.

Hetta er eisini ynskið hjá Niels Juel Arge, stjóra á Strandferðsluni.

Og júst hetta hevði gjørt Føroyska samfelagið nógv bílari og effektivari at reka.

Og fara vit aftur til Strandferðsluna, so hevði hesin gjaldshátturin, sambært stjóranum á Gjaldstovuni, gjørt, at vit fingu nýggjari ferjur.

Men so er tað spurningurin, um hendan skipanin hevði ført til, at tað almenna gjørdi ov nógvar íløgur í senn.