Fólk eiga at verða hoyrd

Fólk, ið bera brek, vóru ikki hoyrd tá stuðul til heilivág broytist, tá stuðul til bilar varð tikin av ella tá lestrarstuðul til lesandi, sum bera brek, skuldi strikast. Tað vísir Tóra við Keldu, forkvinna í MEGD á. Vit tosa við hana í samband við, at brekrættindanevndin hjá ST er komin við 17 síðum av tilmælum og niðurstøðum um viðurskiftini hjá teimum, ið bera brek í Føroyum.

Tilmælini koma eftir at MEGD, sum umboðar 4000 føroyingar, í august mánaða var í Geneve til hoyringar hjá brekrættindanevndini hjá ST.

MEGD hevur sent niðurstøðurnar frá brekrættindanevndini hjá ST víðari til landsstýrið. 

Niðriundir eru nøkur av tilmælunum frá brekrættindanevndini hjá ST:

• at brekrættindasáttmálin verður samtykur sum føroysk lóg

• at rættindi at verða hoyrd verða staðfest í lóggávu

• at nøktandi fígging verður veitt fyri at styrkja arbeiðið í limafeløgum hjá fólki, ið bera brek

• at langtíðar brekpolitisk virkisætlan verður gjørd við nøktandi fígging

• at seta í gildi nýggja víðfevnda tvørgeira lóg, sum bannar allan mismun vegna brek, sum ásetir krav um rímiliga tillaging

• at tvørgeira menningarætlan verður gjørd, sum skal forða fyri stovnsgerð fyri fólk, ið bera brek.