Í valstýrinum á Argjum í 50 ár

-  Tað verður onki hátíðarhald fyri so vítt. Tá er mann so mikið móður eisini, so tá er gott at koma heim at hvíla seg, sigur Gunnar Reynslág 

Tað hevur eisini sína orsøk, at valstýrismaðurin á Argjum plagar at vera móður eftir eitt val, tí á Argjum hava 1803 fólk valrætt, og í fjør var valluttøkan 86,3%. 

Gunnar Reynslág hevur enn ikki gjørt av, um hann ætlar at halda fram í valstýrinum eftir 50 ár.

Tað eru áhugin fyri politikki og møguleikin at hitta nýggj fólk, sum hava verið drívmegin øll hesi árini.