Nógvar leysar atkvøður í Vestmanna

Valluttøkan í Vestmanna er góð í dag. Tá klokkan var farin av tvey, høvdu 24 prosent verið og greitt atkvøðu í høllini.

Spenningurin er eisini stórur, tí bert tvey av teimum, sum hava siti í bygdarráðnum síðstu setuna, stilla uppaftur hesa ferð.

 - Eg haldi altíð, at tað er spennandi, tá tað er val, men her eru nógvar leysar atkvøður, tí bert tvey stilla upp aftur, so tað er spennandi, hvar allar tær leysu atkvøðurnar fara, sigur valstýrisforkvinnan, Maud Poulsen.

Bert 11 stilla upp í Vestmanna, og tey eru øll á sama lista.