Betri gjøgnumskygni við smileyskipan

Frá 1. mars komandi ár fara øll støð, sum selja mat, at hava eina sokallaða brámynd hangandi sjónligt. Hon fer at vísa eftirlitsúrslitið hjá Heilsufrøðiligu starvsstovuni. Har fara fólk at síggja eitt fegið brá, eitt strangt brá ella eitt misnøgt brá:

- Fegið brá verður givið, tá eingin viðmerking er frá myndugleikunum. 

- Strangt brá verður givið, tá Heilsufrøðiliga starvsstovan hevur staðfest frávik frá reglunum og hevur givið eitt nú boð, forboð ella sett tiltøk í verk. 

- Misnøkt brá verður givið, um myndugleikin hevur staðfest álvarslig frávik ella afturvendandi brot á reglurnar.

Breið semja er um, at tá nýggja skipanin kemur í gildi verður gjøgnumskygnið innan matstovuvinnuna munandi betri, enn tað er í dag.