Annika: Ov nógv kontra ímóti gevur ein harðan málverjadyst

Føroysku málverjarnir vóru í miðdeplinum í fyrsta EM-dystinum hjá Føroyum ímóti Sveis fríggjadagin.

Serliga avrikið hjá Rakul Wardum eftir steðgin fekk rós, men eisini Annika Fríðheim Petersen stóð væl í fyrra hálvleiki. Og tað skerst ikki burtur, at málverjaleikluturin er serstakur í mestsum øllum liðítrótti; ikki minst í hondbólti, har bóltarnir koma súsandi um oyruni við nógvari ferð.

Annika Fríðheim Petersen greiðir eitt sindur frá, hvussu tað er at standa í málinum. Hon sigur, at ov nógv kontraálop ímóti kunnu gera tað hart fyri seg, men avdúkar eisinim, hvat skot henni dámar best sum málverji.