Kvinnurørslan enn livandi

Tær byrjaðu at geva blaðið Kvinnutíðindi út stutt eftir at felagið varð stovnað, og seinasta útgáva var “Serblað Túsundáraskiftið”, sum kom út í 2000. Evnini í blaðnum vóru serliga tengd at tí sum fyrifórst í kvinnurørsluni, bæði í Føroyum og uttanlands 

Elin Lindenskov bleiv virkin í kvinnurørsluni síðst í 80’unum og fór í kommunalpolitikk í kreppuni. Hon varð vald inn fyri Javnaðarflokkin og her gjørdu tær ein kvinnubólk inni í flokkinum, har tær m.a. skipaðu fyri skeiðum í kjakast og at bera røður fram. Eitt av stóru tøkunum hon minnist, var tá Marita Petersen bleiv forkvinna í Javnaðarflokkinum og síðani løgkvinna. Seinni bleiv og Marita Petersen løgtingsformaður og tað hevur ikki verið ein kvinna síðani, fyrr enn nú.  Men kvinnurørslan er enn livandi, sigur Vón Holm Magnadóttir.