Føroysku íðkararnir til reiðar til oyggjaleikirnar

Oyggjaleikirnir á Orknoyggjum byrja um eina lítla viku, og nú merkist spenningurin millum føroysku íðkararnir av álvara.

Um vikuskiftið var fráfaringartiltak í SMS, har ítróttafólkini fingu høvi til at heilsa upp á hvønn annan og fólk yvirhøvur. Eisini bóru Elin H. Joensen, ÍSF-forseti, og Aksel V. Johannesen, løgmaður, fram røður afturvið leskiliga morgunmatinum.

Føroyar kappast bert í átta ítróttagreinum hesa ferð - heldur minni enn á undanfarnu leikunum. Hinvegin eru vónirnar til heiðursmerki góðar í mestsum øllum greinunum.

Kringvarpið fekk orðið á fleiri av teimum góðu 70 íðkarunum, sum skulu kappast fyri Føroyar á Orknoyggjum dagarnar 12. juli til 18. juli. Onkur hevur verið fleiri ferðir, meðan onkur skal avstað fyri fyrstu ferð.

Sí innslagið omanfyri.

(MYND: Ólavur Frederiksen/Faroephoto/ÍSF)