Kennir einki til nakra bót

Tveir dagar áðrenn Sjóvinnustýrið hin 7. oktober fór undir at kanna málið um opna hekkuportrið umborð á Galaxy hin 1. september, ringdi rakstrarleiðarin á Strandferðsluni til deildarleiðarin á sýnsdeildini í Sjóvinnustýrinum.

Sambært telefon-notati frá Strandferðsluni, metti deildarleiðarin á sýnsdeildini, at málið hevði givið 1.000 krónur í sekt.

Tad vísir eitt notat frá Strandferðsluni, sum Kringvarpið hevur fingið innlit í frá Fiskimálaráðnum.

Men stjórin í Sjóvinnustýrinum kann ikki vátta, at nøkur møgulig bót varð umrødd í telefonsamrøðuni millum Niels J. Nielsen, rakstrarleiðara á Strandferðsluni, og deildarleiðaran á sýnsdeildini í Sjóvinnustýrinum hin 5. oktober.